IKI SUROBOYO CUK

Orasi Budaya Henri Nurcahyo

Riyoyo gak nggoreng kopi

Ngadep mejo, ganok jajane

Arek Suroboyo pancen gak eruh wedi

Gak duwe bondo, sing penting gayane……………

Sugih durung mesti. Sumbung disik

Iki Suroboyo Cukk. Jarene lahir tahun 1293. Sak iki umure 832 tahun. Podo karo Mojopahit lak an. Malah luwih tuwo setengah tahun. Temenan tah?  Mbuh sih. Wis kadung dislameti. Diperingati tiap tahun. Mosok arep dipekarakno maneh.  Ojok nggawe rusuh koen yoo……

Iki Suroboyo Cuk !

Jarene kota Pahlawan. Onok tugu dhuwur cidek Jembatan Merah iku jenenge Tugu Pahlawan. Duduk monumen petelot. Ngawur ae koen iki. Suroboyo diarani Kota Pahlawan iku pancen wis bener. Bayangno talah, arek-arek Suroboyo sing sik clondo-clondo. Wani ngelawan tentara sekutu. Bahkan sampek mateni Jendral Mallaby. Iki jendral lho rek. Gak baen-baen. Wong top markotop nang ketentaraan. Matine malah nang Suroboyo

Makane iku ojok lali koen ambek Cak Doel Arnowo, Roeslan Abdulgani, Bung Tomo, Soengkono, iku kabeh ngono Pahlawan revolusi Suroboyo. Onok maneh sing diarani Pahlawan Kesenian. Eruh Gombloh kan? Franky Sahilatua, Amang Rahman, Daryono, Gatut Kusumo, Basuki Rahmat, Leo Kristi, termasuk Cak Durasim sampek Cak Markeso. Iku kabeh kebanggaane Suroboyo.

Ojok sampek dilalekno rek-reek. Wong-wong iku mau wis berjasa kanggo Suroboyo. Mbok yao,  di halaman Balai Pemuda iki onok patung para pahlawan mau iku. Esip kan? Taman Patung Pahlawan Suroboyo…… proyek iki wis….. haaha…

Iki Balai Pemuda lho rek. Duduk alun-alun. Mbuh yok opo ceritane kok jeneng Balai Pemuda diganti alun-alun. Alun-alun iku jeneng sing ahistoris. Jeneng asal-asalan. Balai Pemuda iki tempat bersejarah lho rek. Ojok asal ngganti njeneng sak karepe dewe.

Tahun 2017, koen sik eling tah? Waktu itu Masjid As Sakinah dihancurkan. Rata dengan tanah. Pemkot Surabaya telah bertindak gegabah, sudah kelewatan, merobohkan masjid seenaknya sehingga dapat menjurus ke tindakan penistaan agama. Di atasnya arep dibangun gedung DPRD Surabaya lantai delapan. Trus di lantai paling bawah dijadikan masjid. Iku rencanane. Bayangno. Pantes tah ngono iku? Masjid kok dikangkangi karo gedung DPRD.  

Arek-arek Suroboyo gak terimo. Demo. Aku dewe nggawe petisi: PINDAHKAN GEDUNG DPRD KOTA SURABAYA.

Kalau memang alasane gedung DPRD kurang besar, kurang luas, mengapa gak gedungnya saja dipindah ke pinggiran kota? Timbangane ndusel di kompleks Balai Pemuda yang sempit? Sampeyan tak kandani yo. Asal muasal gedung DPRD di situ itu bukan karena perencanaan. Sekali lagi, bukan karena perencanaan. Tapi karena keterpaksaan lantaran perjanjian dengan Harian Surabaya Post yang rencana mbangun Gedung Aktivitas Kesenian dan Kepemudaan gagal di tengah jalan. Jadi, kalau mau, pindahkan gedung DPRD. Serahkan saja gedung yang sudah ada menjadi Pusat Aktivitas Kesenian dan Kepemudaan sebagaimana citra Balai Pemuda.

Sampeyan kudu eling rek. Kompleks Balai Pemuda mbiyene pancen nggone wong Londo-londo berdansa. Simpangsche Societed jenenge. Tapi pada jaman awal-awal kemerdekaan, Balai Pemuda menjadi sebuah pusat perjuangan perang kemerdekaan. Pada era tahun 1965-1966 Balai Pemuda juga menjadi pusat perlawanan anak-anak muda dan seniman melawan komunisme dan Lekra. Tahun 1998 juga berkobar di Balai Pemuda ini perjuangan menumbangkan rejim Orde Baru.

Di Balai Pemuda pernah diselenggarakan acara-acara kesenian monumental, termasuk Lomba Deklamasi tingkat Jatim. Musyawarah Ludruk se Jatim. Penyelenggaraan Festival Film Indonesia (FFI) tahun 1970 juga berkantor di kompleks Balai Pemuda.  Termasuk juga di kompleks ini pernah terdapat Akademi Seni Rupa Surabaya (Aksera) yang melahirkan seniman-seniman besar dan sudah mengharumkan kota serta negeri ini.

Untunge, akibat arek-arek demo terus terusan, Masjid As Sakinah dibangun maneh. Sak iki pancen luwih apik. DKS karo BMS gak sido digusur, sak iki oleh enggon sing pantes. Bedo nasib karo KNPI yang terusir mbuh nang endi sak iki.  Ngene-ngene iki sampeyan yo kudu eling, sopo sing berjuang waktu itu. Sopo yang demo. Sopo yang tombok prapatan. Sopo yang menikung teman seiring. Menyalip di tikungan.

Gedung DPRD akhirnya gak sido dibangun di halaman Balai Pemuda. Eling yo rek. Balai Pemuda iku termasuk cagar budaya lho. Ojok gampang-gampang membangun gedung baru nang kene.

Tak akoni, sak iki wis onok Balai Budaya sing digawe pentas kesenian. Meski sak jane gak ideal mergo panggunge kurang sip. Sering dipentaskan ludruk nang kene. Gratis. Gak usah bayar. Sing main yo wis dibayari Pemkot. Tapi elingo Rek, gedung Ludruk di THR malah digusur. THR yang legendaris dan menjadi kebanggaan Surabaya sak iki kelunto-lunto. Nek pancen bener Walikota sak iki arep mengembalikan kejayaan THR, aku melok seneng rek. Tak enteni janjimu !!

Iki Suroboyo Cuuuk Cuk ….

Tak kandani yo. Suroboyo iki asline punya kesenian khas jenenge Ludruk. Sak durunge kemerdekaan biyen, ada ratusan (sekali lagi ratusan) grup ludruk di Surabaya. Setiap hari tidak pernah ada jeda pentas ludruk. Nek gak percoyo, woconen bukune James L. Peacock. Tapi sak iki? Endi onok grup ludruk yang masih bertahan? Ludruk RRI kabare yok opo rek? Untung onok ludruk MTB sing nunut latihan nang DKS, masiyo tah angel nggolek tanggapan. Onok Ludruk Warna Budaya, yang bertahan karena disokong Kelurahan Menanggal. Sementara Ludruk Luntas yang berusaha berjuang secara mandiri tanpa bantuan pemerintah. Akhirnya tumbang juga. Endi Cak Robet? Semangat Cak !!!

Makane aku usul. Ludruk harus dilindungi, dikembangkan, dimanfaatkan, dan dibina oleh pemerintah. Iku amanat Undang Undang Pemajuan Kebudayaan lho Rek. UU No 5 tahun  2017. Sak jane pemerintah gak usah terlalu memanjakan grup ludruk. Berikan bantuan seperlunya saja. Tapi Walikota cukup buat surat perintah. Seluruh instansi pemerintah dan swasta wajib nonton ludruk, karcise 100 ewu misale. Tapi cukup setahun pisan. Sekolah-sekolah wajib nonton ludruk, mbayar sing rodok larang, tapi cukup setahun pisan. Nah ludruk yang tampil iku diseleksi, dikurasi sing apik.

Tugase pemerintah iku antara lain membina kesenian. Ngemong. Dirukuno. Ojok malah nggawe DKS tandingan. Iku jenenge politik adu domba. Devide et Impera. Padane penjajah Londo ae…..  

Iki Suroboyo Cuk……….

Sampeyan kudu jujur. Bahwa yang diarani Arek Suroboyo iku gak harus yang punya KTP Suroboyo lho. Ketika Perang Kemerdekaan melawan tentara Sekutu waktu itu, sing jenenge Arek Suroboyo iku yo arek teko Mojokerto, Jombang, Malang, Pasuruan, Probolinggo, Lamongan, bahkan arek-arek dari luar Jatim. Termasuk arek-arek Ambon, Arek Keturunan Arab, dan sebagainya. Aku iki secara KTP pancen penduduk Sidoarjo. Omahku nduk Bungurasih. Tapi dengan bangga aku masih menyebut sebagai Arek Suroboyo. Mergo Suroboyo iku bukan sebatas nama kota. Surabaya adalah ibukota provinsi Jawa Timur. Surabaya adalah Kota Megapolitan yang multi etnis, multi budaya, kota yang heterogen.

Tak kandani yo Rek. Awak e dewe iki kudu eling asal usulnya. Ojok nglalekno sejarah. Kudu bangga karo Suroboyone. Kudu bangga nek awake dewe iki wong Jowo. Tapi nek nang kantor-kantor ditulisi hurup honocoroko iku, yo apik ae sih. Tapi awakmu isok moco tah? Heh…. Kamsute iku pancen ojok awakwe dewe sampe ilang Jowone. Awake dewe iki wong Jowo. Duduk wong Inggris.

Tapi cobak pikiren talah. Kenapa terowongan teko terminal Joyoboyo menuju Kebun Binatang iku kok diarani Tunnel Joyoboyo? Kok keminggris koen? Laopo gak diarani Terowongan Joyoboyo ae? Tak kiro ketan tunnel rek….

Iki Suroboyo Cuk Cukkk….

Awake dewe iki wong Arek. Duduk Mataraman. Sing bener iku Riwa Riwi. Duduk Wira Wiri. Arek Suroboyo ngomonge pancen kasar. Tapi kasar iku gak mesti elek lho. Ojok salah paham koen.

Parut iku sing apik sing alus opo sing kasar? Ayo jawab !!

Ban montor sing apik iku, sing alus opo sing kasar? Ayo jawab !!

Ban radial iku pancen kudu kasar. Iku sing apik. Nek alus jenenge duduk radial tapi Radialus. Hhh …

Iki Suroboyo Cuuuk… Cuk !!!

Ngomong Jancuk iku wis biasa. Ojok dipikir gak sopan, kurang ajar.  Awake dewe iki wis biasa nek ketemu konco lawas trus nyopone: “Ei Jancuk. Sik urip kon yo…” Biasa iku…..

Nek eruh arek ayu liwat. Awake dewe mbatin: Jian cuk… Arek iku ayune rek… rek…

Ngono iku kasar? Gak sopan? Kurang ajar? Wah-wah dulinmu kurang adoh Cuk. Kopimu kurang kenthel. Begadangmu kurang bengi.

Wis ngono ae rek. Sepurane yo.. Ojok tersinggung. Iki Suroboyo Cukkkk…

Riyoyo gak nggoreng kopi

Ngadep mejo ganok jajane

Cukup sak mene aku moco orasi

Nek pancen elek, yo sepurane

Bungurasih, 16 Juni 2025

foto-foto: Agus Anang Fatoni

Orasi Budaya Henri Nurcahyo Riyoyo gak nggoreng kopi Ngadep mejo, ganok jajane Arek Suroboyo pancen gak eruh wedi Gak duwe bondo, sing penting gayane…………… Sugih durung mesti. Sumbung disik Iki Suroboyo Cukk. Jarene lahir tahun 1293. Sak iki umure 832 tahun. Podo karo Mojopahit lak an. Malah luwih tuwo setengah tahun. Temenan tah?  Mbuh sih.…